संचार तथा सूचना प्रविधि मन्त्रालयमा आइतबार मन्त्री पृथ्वीसुब्बा गुरुङको उपस्थितीमा यस आर्थिक वर्षमा सम्पादन गर्नुपर्ने कार्यबारे सम्झौता भएको छ ।
संचार सचिव राधिका अर्याल र चलचित्र विकास बोर्डका अध्यक्ष दिनेश डीसीबीच पनि कार्य सम्पादनको सम्झौता भएको छ ।
सम्झौतामा बनेपामा चलचित्र स्टुडियो निर्माण, सरकारको नीति तथा कार्यक्रममा समावेश कार्यक्रम, चलचित्र विकास बोर्डले गर्ने वार्षिक कार्यक्रमदेखि मोफसलमा सिनेमाको स्तरोन्नतीका योजनासम्म समेटिएका छन् ।
सम्झौतामा हस्ताक्षर गर्दै चलचित्र विकास बोर्डका अध्यक्ष डीसीले आगामी ६ महिनाको कार्य अवस्थाको प्रतिवेदन समेत बुझाउने जानकारी दिएका छन् । मन्त्रालयले आइतबार मातहतका अन्य निकायसँग समेत कार्य सम्पादन सम्झौता गरेका छन् ।