एक्सन थ्रिलर जनरामा बन्ने नया फिल्म ‘डिएनए’ को टिजर सार्वजनिक गरिएको छ । छायांकन सुरु हुनु अगाडि नै फिल्मको ‘अनाउन्समेन्ट टिजर’ सार्वजनिक गरिएको हो। फिल्मको टिजरमा नव अभिनेता सुधन पोखरेललाइ एक्सन अवतारमा प्रस्तुत गरिएको छ ।
बाकसबाट निस्किएको अनौठो प्रकाश कुनै पौराणिक वस्तुको प्रतीक भएको देख्न सकिन्छ । पौराणिक कथाको आधुनिक अनुकूलनमा आधारित यस फिल्ममा सुधन पोख्रेल सँगै दिपक केसी र चिरायु पौडेल लगायत कलाकारहरूको अभिनय रहेको छ।
चानस पुन मगर र मणि रत्न त्रिपाठीको लेखन र निर्देशन रहेको यो फिल्ममा सुशान्त केसी र प्रशान्त योगीको छायांकन, राजु तामाङको एक्सन निर्देशन, मानस्वी मालाकारको सङ्गीत र गणेश क्षेत्रीको सम्पादन रहेको छ।
कुमार भास्कर निर्माता रहेको यस फिल्मका एसोसियट निर्माता आशिष पुडासैनी र कार्यकारी निर्माता बिकाश भण्डारी हुन् । फिल्मको छायांकन आउदो फागुन महिना बाट सुरु हुने निर्माण पक्ष्यले जनाएका छन्।