फागुन १४ गते अर्थात महाशिवरात्रिको अवसरमा प्रदर्शनमा आउन लागेको फिल्म ‘लाज शरणम्’ का तीन पोस्टरहरू सार्वजनिक गरिएको छ । अङ्ग्रेजी नयाँ वर्षको अवसर पारेर पोस्टर सार्वजनिक गरिएको हो।
सामाजिक र हास्य कथावस्तुमा निर्माण भएको यो फिल्मको निर्देशन कुमार कट्टेल ‘जिग्री’ ले गरेका हुन्। जेपिटी क्रियसनको ब्यानरमा निर्माण भएको यो फिल्ममा विजय बराल, अर्पण थापा, महेश त्रिपाठी, हरिश निरौला, मुकुन्द श्रेष्ठ, अर्जुन घिमिरे, सागर लम्साल, प्रियाना आचार्य, कमल मणि नेपाल, रेणु योगी लगायत कलाकारहरुको अभिनय रहेको छ।
यो फिल्म सुदिप बरालले खिचेका हुन् भने नबिन श्रेष्ठ यस फिल्मका निर्माता हुन्। राम नरेश शाह र सृजना खड्का सह–निर्माताको रूपमा रहेका छन् ।पोस्टर हेर्दा फिल्ममा सामाजिक कथावस्तुलाई हास्यशैलीमा प्रस्तुत गरिएको देखिन्छ।
