अभिनेत्री सुरक्षा पन्त अभिनित नयाँ फिल्म ‘खेल’ को पोस्टर सहित प्रदर्शन मिति तय गरिएको छ। बलिवुडमा एक दर्जन बढी फिल्ममा सह निर्देशन गरेका अनुराग प्रधान र नेपालमा लामो समयदेखि सह निर्देशन गरिरहेकी आस्था श्रेष्ठले मिलेर यो फिल्मलाई निर्देशन गरेका हुन्।
आउदो वैशाख १२ गतेदेखि प्रदर्शनमा आउने यो फिल्ममा सुरक्षा पन्तसँगै हेना नगरकोटी, मोनिका थापा, समापिका गौतम, निकिता आचार्य भोला राज सापकोटा, मिथिला शर्मा, सरिता गिरी, किरण श्रेष्ठ, सुहानी खड्का, भवन घिमिरे, सुजन घिमिरे लगायत कलाकारहरुको अभिनयरहेको छ।
सिरुपाते कट्स प्रालिको निर्माण रहेको यो फिल्मका कार्यकारी निर्माता लुइसराज महर्जन हुन् भने निर्माता आशिषराज महर्जन हुन्।
सह निर्माताको रुपमा कुनालराज गुरुङ र रहिशराज महर्जन छन् । फिल्मको कथा आशिषराज महर्जनले लेखेका हुन् भने पटकथा अभितेन्द्र र अनुराग प्रधानले लेखेका छन् ।
छायाङ्कन रोशन राई र सञ्जय लामाको छायाङ्कन रहेको यो फिल्मको सम्पादन आशिषराज महर्जनले गरेका छन् र ध्वनि डिजाइन विकल प्रधानले गरेका हुन् ।