प्रियंका कार्की र दीया मास्केको मुख्य भूमिका रहेको फिल्म ‘ममी’ को प्रदर्शन मिति संगै फस्टलुक सार्वजनिक गरिएको छ। यो फिल्म माघको २५ गतेबाट प्रदर्शन गर्ने निर्माण पक्षले घोषणा गरेको छ।
सार्वजनिक पोष्टरमा प्रियंकालाई गम्भीर भावमा र दीयालाइ रगताम्य अनुहारसहित डरलाग्दो अवतारमा प्रस्तुत गरिएको छ । फिल्मले एक परिवारकी छोरी र कुकुरको दुःखद निधनपछि रहस्यमय कालो बिरालो अपनाएसँगै निम्तिने विपत्तिलाई देखाउने छ ।
एसओ ट्वान्टी फाइभको प्रस्तुतिमा निर्माण हुने फिल्ममा प्रियंका र दीयाका अलावा सुलक्षण भारती, समिप निरौला, घनश्याम जोशी, आयुषी ढकाल, जेभिस श्रेष्ठ, गुराँस ढकाल, रीना ढकाल लगायतका कलाकारहरुको अभिनय छ ।
फिल्ममा समर निरौलाको लेखन तथा निर्देशन रहने छ। उनको यो डेब्यु निर्देशन हो। लोकराज जोशी र पुर्णिमा जोशीको लगानी रहेको यो फिल्मलाई शरद महतोले छायांकन गर्दै छन्।