‘धिरेन शाक्य र भोलाराज सापकोटा’ को अभिनय रहने कमेडी फिल्म ‘चिठ्ठा’ बन्ने भएको छ। फिल्मको छायांकन पुष को दोस्रो सात देखि सुरु हुने निर्माण पक्षले जनाएका छन्।
‘आरएल लामा मोक्तान’ को निर्देशन रहने यो फिल्ममा अर्जुन गुरुङ, निमा लामा, रसिला कार्की, लगायत कलाकारहरुको पनि अभिनय रहेको छ। फ्ल्मको कथा, पटकथा, संवाद र संगीत निर्देशक आरएलको आफ्नै रहेको छ।
लङ्का चलचित्र प्रालीको ब्यानरमा निर्माण हुने यस चलचित्रमा रेल्लु माया तामाङ प्रस्तुत कर्ता छिन् भने आर सुनाम मोक्तानले लगानी गरेका छन् । मियम मोक्तान चलचित्रकी सह-निर्माता हुन् ।
सञ्चु थोकरले चलचित्रको छायाङ्कन रहने यो फिल्ममा शंकर महर्जनको द्वन्द निर्देशन रहेको छ भने युवराज कंडेल र अन्नु चौधरीको स्वर रहने छ।