हरिवंश आचार्य अभिनित फिल्म ‘भूठान’ ‘द वर्ल्ड्स ह्याप्पिएस्ट म्यान’ को प्रदर्शन मिति तय भएको छ। ‘बुलबुल’ फेम्ड विनोद पौडेलको निर्देशन रहेको यो फिल्म बैशाख १२ गते देखि प्रदर्शन हुने भएको छ।
केहि महिना अगाडी अमेरिकामै छायांकन गरिएको यो फिल्ममा हरिवंस आचार्य संगै दयाहाङ राई, अनुराधा मजुमदार, पूजा चन्द, ऋचा घिमिरे, जोएस पाण्डे,अदिती प्याकुरेल, टम क्रेन, विमल सुवेदी र हलिउड अभिनेता ब्रुस डर्नको पनि अभिनय छ ।
फिल्मको निर्माण राजेन्द्र ठकुराठी, अमिताभ जोशी, अविरल थापा, सुशांक मैनाली र किर्तना बाँसकोटाले गरेका हुन्। फिल्मले भुटानदेखि भारत, नेपाल हुँदै अमेरिकामा बसोवास गरिरहेका भुटानीको देशप्रेमको कथा पेश गर्नेछ।