सरोज पौडेलको निर्देशनमा बनेको फिल्म ‘पूर्णबहादुरको सारंगी’ को ‘काँधेकुरी’ बोलको गीतको भिडियो सार्वजनिक भएको छ।
कात्तिक १५ गतेबाट परदर्शनमा आउने यो फिल्मको गीतमा ‘भ्वाइस अफ नेपाल’ सिजन ५ का फाइनलिस्ट प्रशान्त शिवाकोटीको शब्द, संगीत र स्वर छ । उनको यो डेब्यु फिल्म हो ।
सेभेन सिज सिनेमा र बाँसुरी फिल्मसको प्रस्तुति रहेको यस फिल्ममा विजय बराल, प्रकाश सपुत, मुकुन भुषाल, बुद्धि तामाङ, माओत्से गुरुङ, भोलाराज सापकोटा, देशभक्त खनाल, अञ्जना बराइली, विनोद न्यौपाने, अलीसा बास्तोला, श्याम केसी, जान्वी पौडेल लगायत कलाकारहरुको अभिनय रहेको छ।
फिल्म र गीतको कथावस्तु एक गरीब परिवारको बुवाले आफ्नो छोरालाई हुर्काउन, राम्रो पढाउनका लागि घरघरमा सारङ्गी बजाउँदै गाउँदै पैसा कमाउने र गरिबको घरमा जन्म लिएपछिको दुःखको पृषठभूमिमा केन्द्रित रहेको छ ।