कात्तिकको १५ गतेबाट प्रदर्शनमा आएको फिल्म ‘पुर्ण बहादुरको सारङ्गी’ ले बक्स अफिसमा आकर्मक ब्यापार गरिरहेको छ। गएको शनिबार एकै दिनमा ३ करोड ८९ लाख को ऐतिहासिक ब्यापार गरेको यो फिल्मले फेरी अर्को इतिहास रचेको छ।
फिल्मले दोस्रो साताको शनिबारसम्म १७ करोड ९८ लाखको ग्रस कलेक्शन गरेको निर्माण पक्षले जानकारी दिएका छन् । फिल्मले यसअघि बनेका सबै फिल्मको रेकर्डलाई ब्रेक गर्ने पक्का देखिएको छ ।
निर्माण पक्षका अनुसार फिल्मले हिजो सोमबार सम्म अर्थात् प्रदर्शन भएको ११ दिनमा २० करोड ७३ लाखको ग्रस कलेक्शन गरेको छ भने यो फिल्म नेपालको सबै भन्दा छिटो २० करोड कमाउने फिल्म बनेको छ।
सरोज पौडेलको निर्देशन रहेको यस फिल्ममा विजय बराल, प्रकाश सपुत, भोलाराज सापकोटा, अन्जना बराइली, माओत्से गुरुङ, बुद्दि तामांग, बिनोद नेउपाने लगायत कलाकारहरुको अभिनय रहेको छ।