एभरेष्ट फिल्म एकेडेमीको आठौँ वार्षिकोत्सव हिजो सम्पन्न भएको छ। एकेडेमीले नयाँ बानेश्वर स्थित आफ्नै प्राङ्गणमा हिन्दू परम्परा अनुसार पूजा पाठ गरेर वार्षिकोत्सव मनाएको हो।
कार्यक्रममा एकेडेमीका अध्यक्ष तथा वरिष्ठ कलाकार सुनिल थापा, एकेडेमीका प्रिन्सिपल तथा वरिष्ठ छायाँकार गौरीशंकर धुन्जु र संस्थापकहरू विशाल श्रेष्ठ, जोत्शल राजभण्डारी र दिवस श्रेष्ठको उपस्थिति रहेको थियो।
आठौँ वार्षिकोत्सवको अवसरमा एकेडेमीमा नेपाली चलचित्र क्षेत्रका वरिष्ठ कलाकार, निर्देशक र फिल्म निर्माताहरूको पनि उपस्थिति थियो।
कार्यक्रममा एकेडेमीलाई बधाई दिन कलाकारहरू सरोज खनाल, गौरी मल्ल, मिथिला शर्मा, कृष्ण मल्ल, गौरव पहारी, विल्सन बिक्रम राइ, मोडेल तथा अभिनेता पुष्प खड्का, प्रकाश शाह, अभिनेता तथा निर्देशक उज्ज्वल घिमिरे लगायत एकेडेमीका विद्यार्थीहरूको बाक्लो उपस्थिति रहेको थियो।