पुसको २६ गतेबाट प्रदर्शनमा आउने फिल्म ‘कार्सांग’ को नयाँ पोस्टर सार्वजनिक गरिएको छ। सार्वजनिक पोस्टरमा अभिनेता जितु नेपाललाइ घुडामा झोला झुण्डाएर कचौरामा जाड खाइरहेको देख्न सकिन्छ।
यम शेर्पाको पहिलो निर्देशकीय रहेको यो फिल्ममा दयाहाङ राई, सिर्जना निङलेखु, जितु नेपाल, दीया मास्के, बुद्दि तामाङ, श्रृष्टी गौतम, डोमा हेल्मो, प्रेम लोप्चन, सुरवीर पण्डित लगायतका कलाकारहरूको अभिनय रहेको छ।
यार्सा फिल्मस् र पुरुषोत्तम प्रधान फिल्मस्को प्रस्तुति रहेको यो फिल्म शेर्पा समुदायको संस्कृतिमा तयार भएको हो। पुरुषोत्तम प्रधानको छयांकन र निर्माण रहेको यस फिल्मका सह निर्माता गोबिन्द शाही हुन्।