भारतीय अभिनेता प्रदीप रावत र दक्षिण भारतीय अभिनेत्री समेत रहेकी उनकी पत्नी कल्याणी नेपाली फिल्म ‘ह्रस्व दीर्घ’ को प्रवर्द्धनको लागि आइतबार बेलुका नेपाल आइपुगेका छन्।
काठमाडौं स्थित त्रिभुवन अन्तर्राष्ट्रिय विमानस्थलमा उनीहरुलाई फिल्म युनिटले स्वागत गरे । विमानस्थलमा मिडियासँग कुरा गर्दै रावतले आफ्नो अभिनय रहेको फिल्मले नेपालमा राम्रो पर्फमेन्स गरेको कुरामा आफू खुसी भएको बताए ।
कमलपोखरीस्थित बिग मूभिज पुगेर ‘ह्रस्व दीर्घ’ हेरिरहेका दर्शकसँग भेटेका हुन् । शुक्रबारदेखि प्रदर्शन भएको यो फिल्ममा प्रदिप रावतले नीताको बुवाको चरित्रमा अभिनय गरेका छन् । फिल्मले अहिले सम्म २ करोड माथिको ब्यापार गरेको आंकलन गरिएको छ।