फाल्गुन २५ गते देखि प्रदर्शनमा आउन लागेको चलचित्र ‘उपहार’को यहि बिहिबार दिउसो प्रिमियर गर्ने तयारी भैरहेको छ। केन्द्रिय चलचित्र जाँच समितिबाट युनिभर्सल सर्टिफिकेट प्राप्त गरेको चलचित्रको रन टाइम २ घण्टा २३ मिनेट रहेको छ।
रेखा फ्लिम्स र कपनगढी सिनेमा प्रालिको ब्यानरमा बनेको चलचित्रमा रेखा थापा सहित पुजा शर्मा, मुकुन भुषाल, बेनिशा हमाल, सुस्मा कार्की, शिशिर राणा, राजाराम पौडेल, किरण केसी, समर्पणजुङ्ग कार्की, बिनोद पौडेल, आशा भुषाल, शोभारस घिमिरे, मंजु श्रेष्ठ लगयातका कलाकारहरुको अभिनय रहेको छ।
बलराम शाही ठकुरी कार्यकारी निर्माता रहेको चलचित्रमा सुलभ प्रतिक र समिक्षा देउजाको निर्माण रहेको छ। चलचित्रको निर्देशन ज्ञानेन्द्र देउजाले गर्नु भएको छ। चलचित्रमा बिष्णु कल्पित घिमिरेको छायांकन, अर्जुन पोख्रेल र बाबुल गिरीको संगीत, सुलक्षण भारतीको कथा, भारती संगै अभिमन्यु निरवी र माधब शर्माको पठकथा तथा संवाद, मित्र गुरुङ्ग्को सम्पादन र रोशन श्रेष्ठको द्वन्द निर्देशन रहेको छ।