यादवकुमार भट्टराईको निर्देशन रहेको फिल्म ‘झिल्को : द स्पार्क’ को फस्टलुक पोष्टर सँगै प्रदर्शन मिति पनि सार्वजनिक गरिएको छ ।
आगामी पुस ५ गतेलाई प्रदर्शन मिति तय गरिएको यो फिल्ममा सुनिल पोखरेल, वर्षा सिवाकोटी, भोलाराज सापकोटा, विशाल पोखरेल, आयुषी ढकाल लगायत कलाकारहरूको अभिनय रहेको छ।
दीपक बज्राचार्यको छायांकन रहेको यो फिल्मको पटकथा तथा संवाद निर्देशक भट्टराईसँगै अरुणदेव जोशी र देवव्रतले लेखेका हुन् । जनता प्रशारण तथा प्रकाशन प्रालिको निर्माण सहयोग रहेको फिल्ममा चण्डीप्रसाद काफ्ले र दीपक शर्माको संगीत रहेको छ भने निमेश श्रेष्ठको सम्पादन रहेको छ।
रामगोपाल थापाको निर्माण रहेको यो फिल्मको कार्यकारी निर्माता उमेश पौडेल हुन् । फिल्ममा आनन्द अधिकारीको गीत र शिव परियार तथा निशा देशारको स्वर रहेको छ ।